تحدّثت منال عبد القوي موضّحة بخصوص حفل تكريم الراحلة فايزة المحرصي في مسقط رأسها بجربة و ذكرت في سياق حديثها علاقتها الطيبة مع الراحلة و قالت :"من أسباب إني سكرت الفايسبوك متاعي هو الشي إلي شفتو في وفاتها من النفاق والترهدين والركوب على الحدث..".
و أضافت معلّقة انه تم إقامة حفلة تكريم بحضور فنانين و لم يتم استدعاؤها :"نشكر مدام ليليا الطبيب نشكرها لأنها عملت حفلة فيها فنانين معروفين تكريم لفايزة وما استدعاتنيش...لكن رد بالك راهي هذي اساءة لفايزة خاطر ينجمو صحابها واحبابها يعملولها تكريم ولكن يعيطو للناس الكل وكان عيطولي أنا شنوة كان باش يصير ، علاش ماخذين مني موقف أنا بالذات ".
كما أردفت :"هو حضوري ولا عدمو موش باش يرجع فايزة حية.. مانيش مستحقة الدعوة متاعك... أنا مانخدمش بالموتى بالطريقة إلي تخدموا بيها انتم وأنا مسؤولة على كلامي وكل شي قاعد".
وواصلت منتقدة ما حدث :"فما عباد هوايتهم الركوب على الحدث والمتاجرة بالموتى .. انتوما كولوا بعضكم واعملو الشو متاعكم أنا شايلتكم من دماغي وفايزة الله يرحمها عايشة في قلبي موش كي نوري وجهي في تكريم ولا حاجة باش تزيد تقربني ليها أكثر".
الفيديو :