التجارة بمصلحة المنتخب في الظروف هذي تعتبر خيانة
الشي اللي قاعد يعمل فيه عصام جمعة موش بريء
المعلومات اللي قالهم علي اساس سبق و ما فيبالناش بيهم تقال اكثر منهم في فترة اختيار القائمة و صارت هجمة. كبيرة علي وديع الجريء في علاقة ببلال العيفة وسعد بقير
قما برشة حقائق اخري كيما استبعاد اسامة الحدادي بعد ما بعثولو التذكرة و طريقة استدعاء ياسين مرياح و ديلان براون وقت اللي ما كانوش في القائمة و ترضيةالفرق ب 750 مليون متاع كل ملاعبي
و ما خفي كان اعظم
اما شعب كامل خذينا قرار انو نعديو فترة مشاركة الكنتخب في المونديال و تتحل الدوسيات علي قاعدة
لانو في الاخير المنتخب يلعب بالوان تونس
و مبعد باش يتقيد انجاز (ايجابي ولا سلبي) باسم البلاد
يجي ملاعبي من قدماء المنتخب (عندو مسؤولية معنوية) في اقل من 48 ساعة من مقابلة مصيرية في بقعة ما يبعث موجات ايجابية و يحاول من موقعو يبعث طاقةايجابية للملاعبية و يساند المنتخب في ماتش مصيري ضد فرنسا (كل شيء متوقع) يجي يرمي كراطش و يجبد ملاعبية بالاسم و يدخل بلبلة في الجمهور التونسي(موش ناقص غش و تعمير) و الملاعبية اللي يستناو هزان مورال قبل بوقت صغير من ماتش مصيري
ملاعبي قديم في المنتخبب يجي لمدرب قبل ماتش مصيري يقول ما يصلحش للمنتخب
ملاعبي يجي يقول حنبعل المجبري ياخذ اكثر من 100 مليون كل ماتش
ملاعبي يقول خلاو سيف الجزيري خاطر يسال فلوس لخو وديع
السيد عصام جمعة و من مصدر موثوق قاعد يعتذر من اسامي جبدهم عاللي صدر منو في ifm
صحافي يبحث علي نسب المشاهدة يحب يحل مشاكل كيما هذي قبل بنهارين من ماتش تاهل للدور الثاني
راديو ifm كوش جديد عليه الفرقعات الاعلامية اللي كيما هكة و عمدها سوابق
وديع الجريء سمسار و يتحكم في القائمة لكن تجي تستغل مصلحة المنتخب و تستغل وقت حساس لخدمة لوبيات اخري تتصارع مع لوبيات الجريء يعتبر خيانة
عصام الملاعبي القديم اللي عاش في وسخ المنتخب اللي اقدم من هذا و اللي شهر لتالي في بلاتو تلفزي قال ولدي كي يكبر يلعب لفرنسا ما ينجمش يجي يعطي دروسليوم
و حتي كان مؤهل باش تعطي دروس موش في وقت كيما هذا
عصام جمعة اللي قال كان يعرضني عادل الشادلي ما نسلمش عليه خاطر يجبد في كوجينة المنتخب و قال ما يحبش تونس يجي قبل ماتش فرنسا و يدخلها في حيط
المنتخب مازال عندو ماتش مصيري
و الجمهور التونسي تغشش على الكل في ماتش الدنمارك اما مازال يحب يفرح و باش يدز لاخر نهار و باش يراهن حتي علي نسبة صغيرة مالامل اللي مازال باشيفرح
و باش يجي نهار و يحاسب كل المتآمرين
نتمني المنتخب ينجح و يعمل مفاجأة في ماتش فرنسا الصعيب و اللي موش مستحيل
و نتمني نهار نشوف كرة في تونس بعيدة علي لوبي وديع الجريء و علي اللوبي لاخر اللي يترصد
و السيد هذا اللي في الفيديو يلزم يتحاسب مالجامعة و من جمهور المنتخب خاطرو خائن